Ar gyfartaledd*, mae'n costio £2 i ni blannu coeden a'i chynnal am 3 blynedd a £ 5,000 i adfer ardal un hectar o’r goedwig law.  

Mae'r costau hyn yn cynnwys: 

- Casglu hadau a thyfu glasbrennau, 

- Teithio i’r ardaloedd plannu (ar gwch fel arfer) 

- Clirio glaswellt a gwinwydd er mwyn cynyddu’r tebygrwydd y bydd y glasbrennau’n goroesi, 

- Tagio a monitro'r coed ynghyd â gwaith cynnal a chadw rheolaidd am y 3 blynedd gyntaf. 

- Sefydlu lleiniau botanegol a gwaith monitro i gefnogi'r wyddoniaeth. 

 * *Mae’r amodau ar draws ein safleoedd plannu yn amrywio yn sylweddol e.e. o ran y math o bridd, amlder llifogydd, a lefel y diraddiad ecolegol. Rydym yn dewis cymysgedd priodol o goed brodorol ar gyfer pob ardal ac yn gweithio o gwmpas unrhyw goed sydd eisoes yn bodoli.  O ganlyniad, gall nifer y glasbrennau sydd eu hangen i adfer hectar i'w ddwysedd optimwm amrywio, a gall hynny ddylanwadu ar gostau hefyd.  Er enghraifft, mae angen plannu dwysach mewn ardal mawndirol sydd dan ddŵr yn dymhorol na fydd ei angen ar orlifdir.  Yn ogystal gan ein bod yn dewis ymgymryd â safleoedd heriol bydd cyfraddau goroesi coed yn amrywio gyda’r angen i ailblannu ar adegau. Byddwn yn cyhoeddi ein lleoliadau a'n dwyseddau plannu er tryloywder ac atebolrwydd.